पोखरा । नेपाली कांग्रेसको १५औँ महाधिवेशनका लागि एकै परिवारका बाबु–छोरा प्रतिनिधि बनेका छन् । कास्की क्षेत्र नम्बर १ र कास्की क्षेत्र नम्बर २ बाट बाबु–छोरा महाधिवेशन प्रतिनिधिमा निर्वाचित भएका हुन् । 

कास्की क्षेत्र नम्बर १ बाट केन्द्रीय सदस्य रहेका कृष्ण केसी महाधिवेशन प्रतिनिधि भए भने सभापतिमा सरोज केसी विजयी भए । त्यसैगरी क्षेत्र नम्बर २ मा गण्डकी प्रदेशसभा सदस्य तथा पूर्वमन्त्री विन्दुकुमार थापा र छोरा सौगात थापा निर्वाचित भएका छन् । 

३५ वर्षमुनिको युवा समूहबाट केन्द्रीय महाधिवेशन प्रतिनिधि पदमा सौगातले उमेदवारी दिएका थिए । बुबा विन्दुले खुलातर्फबाट महाधिवेशन प्रतिनिधिमा उमेदवार दिएका थिए । दुवैजना महाधिवेशन प्रतिनिधिमा निर्वाचित भएका हुन् ।

महाधिवेशन प्रतिनिधिमा निर्वाचित भएपछि सौगातले यो परिणाम व्यक्तिगत उपलब्धि मात्र नभइ युवामाथि गरिएको विश्वास भएको बताएका छन् । पोखराको व्यावसायिक घरनाका थापा केही दिन पहिले पोखरा उद्योग वाणिज्य संघको उपाध्यक्षमा विजयी भएका थिए । 

विन्दुले क्षेत्रीय अधिवेशनमा प्रतिनिधिले देखाएको माया, विश्वास र सद्भावलाई आफ्नो राजनीतिक यात्राको महत्त्वपूर्ण पुँजीका रूपमा लिएको बताए । 

कांग्रेसको १५औँ केन्द्रीय महाधिवेशन यही असोज १८ गते काठमाडौंमा हुँदै छ ।