काठमाडौं– भुटेको मकै नाखाने नेपाली सायदै  कम नै होलान् । भुटेको मकै  हामी सबैलाई मनपर्छ । गाउँघरमा खाजाको काम गर्ने भुटेको मकैले शहरहरुमा साथीहरुसँग गफिदै खाँदा पनि रमाइलो हुन्छ । भुटेको मकै खाँदा रमाइलो मात्रै होइन,स्वास्थ्यका लागि निकै फाइदा हुन्छ ।

भुटेको मकैको ७ फाइदा यस्ता छन्
१. भुटेको मकैमा फाईबरको मात्रा अत्यधिक हुने भएकाले पाचन प्रणालीमा सुधार गर्छ । भुटेको मकै खाने मानिसलाई एसिडिटी र कब्जियतको समस्या हुँदैन् ।

२. भुटेको मकैमा आइरन, कपर, र फस्फोरस र म्याग्नेसियमको मात्रा प्रर्याप्त हुने भएकोले शरिरका हड्डीलाई बलियो बनाउछ ।

३. भुटेको मकैमा आईरन, भिटामिन बी १२, फोलिक एसिडको मात्र प्रर्याप्त हुन्छ । जसले शरिरमा रगत अभावको समस्याबाट हुन दिंदैन र कमजोरी हुनुबाट बचाउँछ ।

४. भुटेको मकैमा भिटामिन सी, केरोटिनाईड, बायोफ्लेविनाईड हुन्छ जसले रक्त प्रबाहलाई तीब्र बनाई रक्तचाप नियन्त्रण गर्छ ।

५. भुटेको मकैले कोलेस्ट्रोलको मात्रा नियन्त्रण गर्छ जसले मुटु रोगको खतराबाट बचाउँछ ।

६. भुटेको मकैलाई तातो पानीमा केही बेर उमाल्नुहोस । यस पानीलाई छानेर मिश्रि मिसाएर खाँदा पिसाब पोलेको वा किड्नीको समस्या समाधान हुन्छ ।

७. भुटेको वा पोलेको मकैमा कार्बोाइड्रेडको मात्र पर्याप्त हुन्छ । जसले शरिरलाई पर्याप्त उर्जा दिन्छ ।