काठमाडौं- नेपालीहरूको महान् चाड दसैँलाई लक्षित गर्दै माइडियाले विशेष उत्सव योजना सार्वजनिक गरेको छ ।

‘यो दसैँ, उत्सव घरमै भित्र्याऔँ । सुन्दरता आफ्नै ढंगले’ भन्ने सन्देशसहित ल्याइएको यस योजनाअन्तर्गत उपभोक्ताले माइडियाका विभिन्न घरायसी उपकरण खरिदमा आकर्षक क्यासब्याक, सुनिश्चित उपहार तथा अन्य सुविधाहरू पाउन सक्नेछन् ।

कम्पनीका अनुसार यस योजनाअन्तर्गत उपभोक्ताले ३७,७०० सम्मको ग्यारेन्टेड क्यासब्याक प्राप्त गर्न सक्नेछन् । साथै, साइड बाई साइड तथा मल्टी डोर रेफ्रिजरेटर खरिदमा इन्डक्सन कुकटप, फ्रन्ट लोड वाशिङ मेसिन खरिदमा ६ केजी सर्फ एक्सेल, टप लोड वाशिङ मेसिन खरिदमा ४ केजी सर्फ एक्सेल, सेमी अटोमेटिक वाशिङ मेसिन खरिदमा २ केजी सर्फ एक्सेल तथा डिसवासर खरिदमा २ वटा वाशिङ ट्याब्लेट निःशुल्क प्रदान गरिनेछ ।

यसका अतिरिक्त, योजनामा सहभागी उपभोक्तामध्ये हरेक महिना लक्की ड्रमार्फत माइडिया साइड बाई साइड रेफ्रिजरेटर जित्ने अवसर समेत रहेको कम्पनीले जनाएको छ । 

कम्पनीका अनुसार लक्की ड्रमा सहभागी हुन उपभोक्ताले उपलब्ध क्यूआर स्क्यान गरी आफ्नो विवरण दर्ता गर्न सक्नेछन् । साथै, शून्य प्रतिशत ब्याजदरमा सहज इएमआई सुविधा तथा छनोट गरिएका उत्पादनमा १० वर्षसम्मको वारेन्टी सुविधा पनि उपलब्ध रहेको छ ।

यो विशेष उत्सव योजना भदौ २६ गतेदेखि सीमित अवधिका लागि लागू गरिएको छ । चौधरी ग्रुपअन्तर्गतको सीजी इलेक्ट्रोनिक्स ले नेपालमा माइडियाका उत्पादनहरू उपलब्ध गराउँदै आएको छ ।