काठमाडौँ । डोनाल्ड ट्रम्प र सी चिनफिङबिच ओभल अफिसमा द्विपक्षीय वार्ता सुरु भएको छ। दुई नेताबिचको वार्तापछि प्रतिनिधिमण्डलसहितको द्विपक्षीय वार्ता पनि हुने बताइएको छ।

यसअघि ट्रम्पले ह्वाइट हाउसबाहिर सीलाई स्वागत गरेका थिए। त्यसपछि उनीहरूले यूएस मरिन कर्प्सको ब्यान्डको प्रदर्शन निरीक्षण गरेका थिए।

द्विपक्षीय बैठकपछि ट्रम्पले सीको सम्मानमा राजकीय भोज दिनेछन्।

सीको साथमा उनका निकट विश्वासपात्र काइ ची, आर्थिक मामिला हेर्ने उपप्रधानमन्त्री हे लिफेङ र विदेशमन्त्री वाङ यी पनि छन्।

दुई पक्षबिच एआई, व्यापारलगायतका विषयमा वार्ता हुने ट्रम्पले जानकारी दिएका छन्। उनले आफूहरूबिचको निर्णयले दशकौँसम्मको शान्ति र समृद्धिलाई निर्देशित गर्ने बताएका छन्।