काठमाडौं– यतिबेला चिनियाँ राष्ट्रपति सी चिनफिङ अमेरिका भ्रमणमा छन् । राष्ट्रपति सीलाई स्वागत गर्न अमेरिकी समकक्षी डोनाल्ड ट्रम्प र प्रथम महिला मेलानिया ट्रम्प मेरिल्याण्ड राज्यको जोइन्ट बेस एन्ड्रियुज विमानस्थल सम्मै पुगेका थिए । राष्ट्रपति सीको स्वागत समारोहअघिको एउटा छोटो भिडियो यतिबेला सामाजिक सञ्जालमा भाइरल भइरहेको छ ।

उक्त भिडियोमा विमानस्थलमा अवतरित चिनियाँ विमानअघि लामो रातो कार्पेट ओछ्याइएको देखिन्छ । चिनियाँ राष्ट्रपतिको स्वागतमा विमानस्थलमा ३० मिटर अर्थात् ९८ फिट लामो रातो कार्पेट ओछ्याइएको जनाइएको छ ।

अवतरित चिनियाँ विमानको ढोकामा चिनियाँ विदेशमन्त्री वाङ यी र अरु चिनियाँ अधिकारी पनि देखिन्छन् । भिडियोमा अमेरिकी सेनाको पोसाक लगाएका केही कर्मचारीले घुँडा धसेर कार्पेट मिलाउँदै गरेको देखिन्छ ।

अन्तर्राष्ट्रिय सञ्चार माध्यमले चिनियाँ राष्ट्रपतिलाई स्वागत गर्नका लागि अन्तिम तयारीस्वरुप अमेरिकी सैनिकले कार्पेट मिलाएको दाबी गरेका छन् । कतिपय आलोचकले चाहिँ चिनियाँ नेताको स्वागत गर्न ट्रम्पले अमेरिकी सैनिकको मान मर्दन गरेको आरोप समेत लगाएका छन् ।

भिडियो हेर्नुहोस्-

Chinese officials look on as some final adjustments to the red carpet are made for President Xi. pic.twitter.com/aG8Jwtg6Nx

— Acyn (@Acyn) September 23, 2026