काठमाडौं– नेपालमा सम्पन्न पब्जी मोबाइल प्रतियोगिता पब्जी मोबाइल ग्लोबल ओपन (पीएमजीओ) २०२६ सिजन २ दक्षिण एशिया फाइनलको उपाधि पाकिस्तानको ‘फोर थ्राइभ्स ई-स्पोर्ट्स’ ले जितेको छ । प्रतियोगितामा उत्कृष्ट प्रदर्शन गर्दै फोर थ्राइभ्स ई-स्पोर्ट्सले कुल २०९ अंक हासिल गरी उपाधि विजेता बनेको हो ।

काठमाडौंस्थित दशरथ रंगशालामा आयोजित प्रतियोगितामा दक्षिण एशियाका उत्कृष्ट पब्जी मोबाइल ग्लोबल ओपन टोलीहरूले उपाधिका लागि प्रतिस्पर्धा गरेका थिए । 

रोमाञ्चक प्रतिस्पर्धाबीच फोर थ्राइभ्स ई-स्पोर्ट्सले उत्कृष्ट प्रदर्शन गर्दै पहिलो स्थान हासिल गरेको हो। प्रतियोगितामा नेपालको ‘टी–टु–के ई-स्पोर्ट्स’ टोलीले दोस्रो स्थान हासिल गर्दा ‘होराआ ई-स्पोर्ट्स’ ले तेस्रो स्थान प्राप्त गरेको छ ।

नेपालमा ई-स्पोर्ट्सको विकास र युवा प्रतिभालाई प्रोत्साहन गर्ने उद्देश्यसहित एक्सट्रीम इनर्जी ड्रिंकले प्रतियोगिताको मुख्य प्रायोजकका रूपमा सहकार्य गरेको थियो ।