काठमाडौं – राजेन्द्र महतो नेतृत्वको राष्ट्रिय मुक्ति पार्टी नेपालका महासचिव केशवकुमार झासहित नौ जना नेताले पार्टी परित्याग गरेका छन् ।
पछिल्लो राजनीतिक घटनाक्रम तथा पार्टी सञ्चालनको शैलीप्रति असन्तुष्टि जनाउँदै उनीहरूले पार्टीबाट अलग भएको घोषणा गरेका हुन् ।
पार्टी परित्याग गर्नेमा महासचिव झासहित केन्द्रीय तहका नेताहरू रहेका छन् । उनीहरूले पुरानो राजनीतिक शैली र पुरानै नेतृत्वबाट मुलुकको राजनीति अघि बढ्न नसक्ने निष्कर्षसहित पार्टी छाडेको बताएका छन् ।
राजेन्द्र महतोले निर्वाचनअघि राष्ट्रिय मुक्ति पार्टी नेपाल घोषणा गरेका थिए । विभिन्न पार्टी परित्याग गरेका नेताहरू तथा पहिचानवादी धारका नेताहरूलाई समेटेर महतोले पार्टी गठन गरेका थिए ।
प्रतिक्रिया