काठमाडौं– कञ्चनपुरको बेदकोट नगरपालिका –०७ लालपुरमा मोटरसाइकल आफैँ अनियन्त्रित भई पल्टिँदा एकजना युवकको मृत्यु भएको छ ।
सोमबार गते मध्याह्न १२ बजे महेन्द्र राजमार्ग अन्तर्गत पश्चिमबाट पूर्वतर्फ जाँदै गरेको से ६ प २२० नम्बरको मोटरसाइकल आफैँ अनियन्त्रित भई सडकमा पल्टिएको हो ।
मोटरसाइकल दुर्घटनामा बेदकोट नगरपालिका –०५ बस्ने अंन्दाजी २४ वर्षीय विक्रम बम गम्भीर घाइते भएका थिए भने घाइते बमलाई तत्काल उद्धार गरी उपचारका लागि महाकाली प्रादेशिक अस्पताल पठाइएको थियो ।
उपचारकै क्रममा दिउँसो १२:५५ बजे चिकित्सकले मृत्यु भएको घोषणा गरेका छन् ।
प्रतिक्रिया