मनोहरा खोलामा बाढीको बहाव बढ्दा किनारका बस्तीमा त्रास (तस्बिरसहित)

खबरहब

२९ भदौ २०८३, सोमबार

पढ्न लाग्ने समय : 2 मिनेट

भक्तपुर – सोमबार परेको वर्षाका कारण भक्तपुरस्थित मनोहरा खोलामा बाढीको बहाव बढ्दा नदी किनारका बस्तीमा त्रास फैलिएको छ ।

बहाव बढेपछि खोलाको किनारमा रहेका केही टहरामा पानी पसेको छ । पानीको सतह बढेसँगै स्थानीय घरबाहिर निस्किएर बाढी थप बढ्न सक्ने भन्दै सतर्क अवस्थामा बसेका थिए ।

केही महिनाअघि महानगरपालिकाले यही क्षेत्रका नदी किनारमा रहेका बस्ती तथा टहरा हटाएको थियो । हाल भने मनोहरा खोलाको पानीको सतह केही घटेको छ । तस्बिरहरू : नेपाल फोटो लाइब्रेरी