काठमाडौं– नेपाली कांग्रेसका नेता डा. शशांक कोइरालाले पार्टी टुक्रिने सम्भावना रहेको तर आफूहरूले मिलाइरहेको जानकारी दिएका छन् । 

कोइरालाले गगन थापाको नेतृत्वमा १५औँ महाधिवेशन नगर्ने स्पष्ट सङ्केत गर्दै भक्तपुरमा आयोजित कार्यक्रममा यस्तो जानकारी दिएका हुन् । 

‘पार्टी टुक्रिने हो कि भन्ने सम्भावना देखिरहेको छु, तर हाम्रो प्रयास उनीहरूलाई पनि एकजुट बनाएर जाऔँ भन्नेमा छ। प्रयासहरू प्रशस्त भइरहेका छन् ।’ उनले अगाडि भने, ‘आउँदो १५ औँ महाधिवेशन शेरबहादुर देउवाको नेतृत्वमा हुन्छ, सबैलाई एकजुट पारौँ, महाधिवेशनलाई सफल गरौँ ।’

शेरबहादुर देउवाकै नेतृत्वमा १५औँ महाधिवेशनमा जाने विषयमा शशांकले स्पष्ट कुरा राख्दा देउवाले समेत गगनको नेतृत्व स्वीकारेका थिएनन् । देउवाले सर्वोच्चबाट आधिकारिक रूपमा चारतारे झण्डा र रुख चुनाव चिन्न आफूलाई आउने जानकारी दिए ।