काठमाडौं- राष्ट्रियसभाको आजको बैठकमा ‘नेपाल विशेष सेवा ऐन, २०४२ को साविकको व्यवस्था जगाउनेसम्बन्धी विधेयक, २०८३’ माथि विधायन व्यवस्थापन समितिले तयार पारेको प्रतिवेदन पेस भएको छ।

विधायन व्यवस्थापन समितिका सभापति कृष्णबहादुर रोकायले प्रतिनिधिसभाबाट सन्देशसहित प्राप्त उक्त विधेयकमाथि समितिमा भएको दफावार छलफलका आधारमा तयार पारिएको प्रतिवेदन बैठकमा पेस गरेका हुन् ।

बैठकमा राष्ट्रियसभाका अध्यक्ष नारायणप्रसाद दाहालले प्रधानमन्त्री तथा मन्त्रिपरिषद्को कार्यालयबाट प्राप्त मन्त्रिपरिषद्का सदस्यको कार्यभार तोकिएकोसम्बन्धी पत्रको व्यहोरा जानकारी गराए ।

राष्ट्रियसभाको अर्को बैठक यही भदौ २५ गते बिहीबार दिउँसो १ः१५ बजे बस्ने कार्यतालिका रहेको छ ।