काठमाडौं- आर्थिक वर्ष २०२५-२६ मा पाकिस्तानको ऊर्जा क्षेत्रको चक्रीय कर्जा अकासिएर करिब ५३ खर्ब रुपैयाँ पुगेको छ । आधिकारिक स्रोतहरूका अनुसार जुन २०२६ सम्म आइपुग्दा ग्यास र विद्युत् दुवै क्षेत्रको चक्रीय कर्जा बढेर ५२ खर्ब ८६ अर्ब रुपैयाँ पुगेको छ, जुन यसअघि ५२ खर्ब ६ अर्ब रुपैयाँ थियो।

सन् २०२६ को सुरुवातमा ३४ खर्ब ४२ अर्ब रुपैयाँ रहेको ग्यास क्षेत्रको चक्रीय कर्जा बढेर ३६ खर्ब ११ अर्ब रुपैयाँमा पुगेको छ। कुल ग्यास क्षेत्रको चक्रीय कर्जामा १८ खर्ब ३९ अर्ब रुपैयाँ मूल रकम रहेको र बाँकी चाहिँ ढिलो भुक्तानी गरेबापतको जरिवाना (सर्चार्ज) रहेको छ। त्यसैगरी, जुन २०२६ सम्ममा विद्युत् क्षेत्रको चक्रीय कर्जा १६ खर्ब ७५ अर्ब रुपैयाँ पुगेको छ।

अन्तर्राष्ट्रिय मुद्रा कोष को विस्तारित ऋण सुविधा अन्तर्गतको तेस्रो समीक्षा र लचिलोपन तथा दिगोपन सुविधा अन्तर्गतको दोस्रो समीक्षाअनुसार भने सन् २०२६ को सुरुआतमा विद्युत् क्षेत्रको चक्रीय कर्जा अन्दाजी १७ खर्ब ६४ अर्ब रुपैयाँ र ग्यास क्षेत्रको चक्रीय कर्जा ३४ खर्ब ४२ अर्ब रुपैयाँ रहेको थियो।