काठमाडौं – बलिउड र्यापर बादशाहको दोस्रो बिहे पनि टुटेको छ । उनी पत्नी इशा रिखीसँग सम्बन्धबिच्छेद भएको जानकारी सामाजिक सञ्जालबाट दिएका हुन् ।
बादशाहले दुवै पक्षको सहमति र सम्मानमा सम्बन्धबिच्छेदको निर्णय भएको दाबी गरेका छन् ।
उनले भनेका छन्, ‘यस समयमा हाम्रो गोपनीयताको सम्मान गरिदिनुहुन आग्रह गर्छौं ।’
उनले सम्बन्धबिच्छेदबारे यो नै अन्तिम व्यक्तव्य हुने बताएका छन् । उनले आग्रह स्वरुप लेखेका छन्, ‘हाम्रो सम्बन्धलाई लिएर अब कुनै पनि थप अनुमान र अड्कलबाजी नगरियोस् ।’
इशाले पनि बदाशाहकै हुबहु अभिव्यक्ति दिएकी छन् ।
बदाशाह र इशाले गत मार्चमा विवाह गरेका थिए । केही समयदेखि उनीहरूको सम्बन्ध बिग्रिएको चर्चा चल्न थालेको थियो ।
प्रतिक्रिया