काठमाडौं– रसुवाको भोटेकोशी बाढीपछि आठ हजार बढीको उद्दार गरिएको छ । 

नुवाकोटको त्रिशूलीस्थित श्री नम्बर १ सैन्य तालिम केन्द्रबाट उद्दारका लागि हेलिकप्टर परिचालन र सोहि केन्द्रमा नै उद्दार गरि ल्याउने व्यवस्था गरिएको छ । 

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार हालसम्म ८ हजार १ सय ८६ जनाको उद्दार गरिएको छ ।

उद्दार गरि ल्याइएकाहरुलाई सैन्य तालिम केन्द्रमा नै उपचारको व्यवस्था मिलाइएको छ भने उनीहरुको नामावली समेत बाहिर टाँसेर परिवारजनलाई जानकारी गराइएको छ । 

यसैबीच आफ्ना आफन्तको उद्दारको प्रतिक्षामा ठूलो संख्यामा सर्वसाधारणहरु सैन्य तालिम केन्द्र पुग्ने गरेका छन् । उनीहरुले बेपत्ता आफन्तका नाम सुरक्षाकर्मीलाई टिपाउदै छिटो खोजी कार्य गर्न आग्रह समेत गरेका छन् ।

रसुवाको भोटेकोशी बाढीपछि हालसम्म सात सय बढिको मृत्यु भइसकेको छ ।