काठमाडौं– प्रधानमन्त्रीसमेत रहेका नेकपाका अध्यक्ष केपी ओली र अर्का अध्यक्ष पुष्पकमल दाहाल ‘प्रचण्ड’ मन्त्रिमण्डल पुनर्गठनको अन्तिम कसरतमा जुटेका छन् ।

बुधवार विहान दुई घन्टाभन्दा लामो समय प्रधानमन्त्री ओली र प्रचण्डबीच बालुवाटारमा छलफल भएको हो ।

बुधबार(आज) मन्त्रिमण्डल हेरफेरको तयारी रहेको सरकारका प्रवक्ता गोकुल बाँस्कोटाले बताएका थिए ।

मन्त्रिमण्डल हेरफेरका लागि कसकसलाई विदा गर्ने र क–कसलाई ल्याउने भन्ने बारेमा छलफल गर्न प्रधानमन्त्री ओली, पार्टी अध्यक्ष प्रचण्ड र महासचिव विष्णु पौडेलबीच छलफल भएको छ ।

मन्त्रिहरुको टुंगो लागिसकेपछि ओली प्रचण्ड शीतल निवास पुगेर राष्ट्रपति विद्यादेवी भण्डारीलाई यसबारे जानकारी गराउने तयारी भएको बालुवाटार निकट श्रोतको भनाइ छ ।

त्यसलगत्तै सचिवालय बैठक बसेर पार्टी अध्यक्षहरुको निर्णलाई बैठकले अनुमोदन गर्ने तयारी गरिएको छ ।

नेकपाका प्रवक्ता नारायणकाजी श्रेष्ठले दिउँसो साढे १२ बजेका लागि सचिवालय बैठक बोलाइएको जानकारी दिए ।