काठमाडौं – नायिका नीता ढुंगाना निर्माता तथा शीर्ष कलाकार रहेको र बाल गायक अशोक दर्जी शीर्ष भूमिकामा रहेको फिल्म ‘पार्वती’ले प्रदर्शनको पहिलो दिन शुक्रबार दर्शकबाट ठीक-ठाक साथ पाएको छ ।

रसुवा बाढीका कारण देशमा असहज परिस्थिति बन्दा पनि यो फिल्मका केही शोहरू हाउसफूल देखिएका छन् । धेरै शोहरूले उच्च अनुकपेन्सी पाएका छन् ।

यो अवस्थामा फिल्मले पाएको अनुकपेन्सी सन्तोषजनक हो ।

अर्कोतिर भारतीय फिल्म ‘टक्सिक’ले हेर्न दर्शक उर्लिएका छन् । तथापि, नकारात्मक वर्ड अफ माउथले टक्सिकले क्रेज गुमाउँदै गएको छ ।

टक्सिकको दबदबाबीच पनि ‘पार्वती’ले सन्तोषजनक शो पाएको हो ।

सकारात्मक वर्ड अफ माउथले थप दर्शक तान्न पर्याप्त अकुपेन्सी ‘पार्वती’ले पाएको हो ।

निर्माता नीताले यो फिल्मको पहिलो दिनको व्यापार रसुवा बाढी पीडितलाई सहयोग गर्ने बताएकी छन् ।