काठमाडौं– ललितपुर महानगरपालिकाको वडा नम्बर २८ का इन्जिनियर महेन्द्र महर्जन घुस रकमसहित पक्राउ परेका छन् ।
सेवाग्राहीको घरको निर्माण सम्पन्न प्रश्चात निर्माण सम्पन्न भएको प्रमाण पत्र दिनका लागि भनेर लिएको १० हजार घुससहित इन्जिनियर महर्जन पक्राउ परेका हुन् ।
अख्तियार दुरुपयोग अनुसन्धान आयोगको काठमाडौं टंगालस्थित केन्द्रीय कार्यालयबाट खटिएको टोलीले महर्जनलाई घुस रकम लिइसकेको अवस्थामा वडा कार्यालयबाट पक्राउ गरेको हो ।
पक्राउ परेका महर्जनमाथि थप अनुसन्धान भइरहेको अख्तियारका प्रवक्ता प्रदीपकुमार कोइरालाले जानकारी दिए ।
प्रतिक्रिया