मनिला- मध्य फिलिपिन्सको इलोइलो प्रान्तमा विगत आठ महिनामा लेप्टोस्पाइरोसिस सङ्क्रमणका कारण कम्तीमा १० जनाको मृत्यु भएको स्थानीय मिडियाले शुक्रबार जनाएका छन् ।

इलोइलो प्रान्तमा सन् २०२५ को सोही अवधिमा यस रोगबाट मृत्यु हुनेहरुको सङ्ख्याभन्दा दोब्बर छ । स्थानीय स्वास्थ्य अधिकारीहरूका अनुसार बासिन्दाहरूलाई जोखिमको सामना गर्नुपर्दा प्रोफिलेक्सिस वा निवारक एन्टिबायोटिकहरू लिन आग्रह गरिएको छ ।

लेप्टोस्पाइरोसिस एउटा ब्याक्टेरियाबाट फैलिने रोग हो जुन जनावरको पिसाबबाट फैलिन्छ, मुख्यतया मुसाहरूको पिसाबाट मानिसहरुमा फैलिएको जनाइएको छ ।

यसले मानिसहरूलाई दूषित पानी वा माटोको सम्पर्कमा आउँदा सङ्क्रमित गराउँछ । यस प्रान्तमा यस वर्षको जनवरी ४ देखि अगस्ट ८ सम्म ८४ वटा सङ्क्रमित घटना दर्ता भएका छन्, जसमध्ये ३२ वटा कृषिसँग सम्बन्धित छन् भने अधिकांश सङ्क्रमित बाढी प्रभावित क्षेत्रहरूमा दर्ता भएका छन् ।