काठमाडौं–  भूमि व्यवस्था, सहकारी, संघीय मामिला तथा सामान्य प्रशासनमन्त्री प्रतिभा रावल सुदूरपश्चिम प्रदेशका विभिन्न जिल्लाको भ्रमणमा जाने भएकी छन् ।

मन्त्री रावल भदौ ६ गतेदेखि केही दिन कञ्चनपुर, कैलालीलगायत जिल्लाको भ्रमणमा रहने कार्यक्रम छ ।

भ्रमणका क्रममा उनले मन्त्रालयसँग सम्बन्धित जनगुनासा प्रत्यक्ष सुन्नुका साथै सहकारीका समस्या तथा भूमिहीन र सुकुम्वासी नागरिकका विषयमा सरोकारवालासँग छलफल गर्ने बताएकी छन् ।

‘भोलि भदौ ६ गतेदेखि केही दिन कञ्चनपुर, कैलाली लगायतका जिल्लाहरूको भ्रमणमा रहनेछु। भ्रमणका क्रममा भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयअन्तर्गतका जनगुनासो सुन्ने, सहकारी क्षेत्रका समस्या तथा उक्त क्षेत्रका भूमिहीन, सुकुम्वासी जनतासँग र सम्बन्धित सरोकारवालाहरूसँग भेटघाट गर्ने कार्यक्रम रहेको छ।’ उनले सामाजिक सञ्जालमा भनेकी छिन, ‘साथै, सम्बन्धित विषयमा सरकारले गरिरहेका काम तथा आगामी तयारीका बारेमा जानकारी गराउनेछु।’