काठमाडौं– राष्ट्रिय स्वतन्त्र पार्टीको केन्द्रीय समिति बैठकमा पार्टी उपसभापति स्वर्णिम वाग्ले पनि अनुपस्थित छन् । 

अर्थमन्त्रीसमेत रहेका वाग्ले आजको केन्द्रीय कमिटी बैठकमा अहिलेसम्म नपुगेको जानकारी नेताहरुले दिएका छन् । 

मन्त्रालयमै कार्यव्यस्तता भएकाले उनी बैठकमा नपुगेको बताइन्छ । आज जान्छन् या जाँदैनन् भन्ने बारे उनको सचिवालयले पनि जानकारी दिन सकेन । 

बैठकमा पार्टी वरिष्ठ नेता बालेन्द्र शाह पनि अनुपस्थित छन्।  उनी मुस्ताङतिर सडक मार्ग हुँदै आज नै गएका हुन् ।

बैठकले आगामी स्थानीय तह निर्वाचनको रूपरेखा तयार गर्नेछ । भने पार्टी सचिवालय पदाधिकारी र केही केन्द्रीय सदस्य मनोनीत गर्नेछ।

स्थानीय तहको उम्मेदवार छनोटका लागि समितिसमेत गठन गर्ने बताइएको छ। 

आजको बैठकले एउटा मासिक पत्रिका सार्वजनिक गर्ने विषयमा पनि निर्णय लिने बताइएको छ । 

पार्टी महामन्त्री विपिनकुमार आचार्यले बैठकको एजेण्डा राखेपछि बैठक सुरु भएको केन्द्रीय सदस्यहरूको भनाइ छ।