काठमाडौं – राष्ट्रिय स्वतन्त्र पार्टी (रास्वपा) संसदीय दलको अनौपचारिक बैठकले पार्टीको विधान संशोधनका लागि प्रमुख सचेतक कविन्द्र बुर्लाकोटीको संयोजकत्वमा कार्यदल गठन गरेको छ ।
संसदीय दलको बैठक जारी रहेकै क्रममा विधान संशोधन कार्यदल गठन गरिएको हो । संसदीय दलका उपनेता गणेश पराजुलीका अनुसार रास्वपाको ‘विधान २०८३’ लाई आवश्यकता अनुसार संशोधन गर्न प्रमुख सचेतक बुर्लाकोटीको संयोजकत्वमा समिति गठन गरिएको हो ।
कार्यदललाई विधानमा आवश्यक संशोधन पहिचान गरी आगामी सात दिनभित्र संशोधित प्रस्ताव पेश गर्ने जिम्मेवारी दिइएको छ ।
संसदीय दलको अनौपचारिक बैठक भने जारी रहेको छ । बैठकमा विधान संशोधनलगायत पार्टीका समसामयिक विषयमा छलफल भइरहेको जनाइएको छ ।
प्रतिक्रिया