काठमाडौं – नायक प्रदीप खड्का र भुटानका चर्चित कलाकार संगय छेल्ट्रिमलगायतको सहकार्यमा बनेको फिल्म ‘टनेल २६’को टिजर सार्वजनिक भएको छ ।

यस फिल्मलाई प्रदीप र नेपाली व्यवसायी निर्वाण चौधरीको अन्तर्राष्ट्रिय सहकार्यका रुपमा नेपालमा चर्चा गरिएको छ ।

भारतीय फिल्म मेकर प्रशान्त कुमार गुप्ताको समेत सहकार्य रहेको यस फिल्मको टिजरमा अनुपविक्रम शाही, आना शर्मा, संगय छेल्ट्रिम, रोशिनी दादा, निडुप दोर्जी, फुन्छोक धोन्डेन, डेकी लामो, जामयाङ तेन्पा, फुन्छो किनरबलगायतका कलाकारलाई देख्न सकिन्छ ।

साङ्गे शेल्ट्रिम फिल्म्स र पिक एक्सभी प्रोडक्सनको प्रस्तुति रहेको फिल्मका लेखक तथा निर्देशक डीडी किन्ले हुन् । मूल रूपमा भुटानको राष्ट्रिय भाषा ‘जोङ्खा’मा निर्माण भएको यो फिल्म नेपाल, भुटान तथा भारतका कम्पनीहरूको संयुक्त निर्माण हो।

नेपाली, ‘जोङ्खा’ र हिन्दी भाषामा समेत यो फिल्म प्रदर्शन हुने बताइएको छ । अक्टोबर ६ लाई प्रदर्शन मिति तोकिएको छ ।