काठमाडौं – नायिका प्रियंका कार्कीको होम ब्यानरमा बनेको फिल्म ‘मास्टर्नी’ १६ वर्ष भन्दामाथिका दर्शकले मात्रै हेर्न पाउने भएका छन् ।

केन्द्रीय चलचित्र जाँच समिति (सेन्सर बोर्ड) ले हल रिलिजका लागि फिल्मलाई शुक्रबार एडल्ट प्रमाणपत्र दिइएको हो ।

निर्माताका लागि एडल्ट प्रमाणपत्र पाउनु घाटाको विषय हो । नेपालमा ब्ल्कबस्टर भएका फिल्ममा परिवारिक दर्शकको उपस्थिति रहने गर्छ । एडल्ट सर्टिफिकेट पाएका फिल्ममा यो समूहका दर्शकको चासो कम हुने गरेको छ ।

‘मास्टर्नी’बाट प्रियंकाले निर्माणमा डेब्यू गरेकी छन् । यस फिल्मको शीर्ष कलाकारमा प्रियंकासहित नायकहरुप्रमोद अग्रहरी र आर्यन सिग्देल छन् ।

फिल्मको कथा प्रियंकाकै हो भने पटकथा शान बास्नेतले लेखेका हुन् । निर्देशक सुवेन्दु घोष हुन् ।

भदौ ५ बाट यो फिल्म प्रदर्शनमा आउँदैछ ।