काठमाडौं– साताको अन्तिम कारोबारको दिन शुक्रबार नेपाल स्टक एक्सचेञ्ज (नेप्से) ७.३७ अंकले घटेको छ । 

शुक्रबार ४ अर्ब २७ करोड  ५६ लाख ७५ हजार रुपैयाँ बराबरको कारोबार हुँदा नेप्से घटेर २६४३.८३ बिन्दुमा पुगेको हो ।

शुक्रबार कारोबार भएका कम्पनीमध्ये १०१ वटा कम्पनीको सेयर मूल्य बढ्यो भने १६४ वटा कम्पनीको सेयर मूल्यमा गिरावट आयो । आज १२ वटा कम्पनीको सेयर मूल्य भने स्थिर रह्यो ।

आज नेप्से घट्दा जीवन बीमा, लघुवित्त, म्युचुअल फन्ड र अन्य बाहेक सबै समूहको उपसूचक ऋणात्मक बन्न गएको छ ।

गत चैत १३ गते बालेन्द्र शाहको नेतृत्वमा सरकार बनेपछि औसत रूपमा ओरालो लागेको नेप्सेमा पछिल्लो १४ दिनमा दैनिक ५ अर्बको कारोबार हुन नसकेको देखिएको छ । 

साथै, सो अवधिमा ५ दिन मात्रै नेप्से बढ्यो भने ९ दिन नेप्से ओरालो लाग्यो ।