काठमाडौं- नेपाली कांग्रेसका पूर्वसभापति शेरबहादुर देउवा बिहीबार काठमाडौं आउँदैछन् । गत फागुन १४ गते देश छाडेर सिंगापुर पुगेका उनी चैतदेखि हङकङमा बसेर नेपाल आउन लागेका हुन्।

परिवारसहित हङकङमा रहेका उनी बिहीबार एक्लै आउन लागेका हुन्। कांग्रेस नेता डा. प्रकाशशरण महतले देउवा एक्लै नेपाल आउन लागेको बताएका छन्।

उनले अहिले आफूहरूलाई पूर्वप्रधानमन्त्री शेरबहादुर देउवाको आवश्यकता रहेको बताएका छन्। यही साउन २९ गतेदेखि ३१ गतेसम्म कांग्रेसको संस्थापन इतर पक्षले राष्ट्रिय भेला गर्दैछ । उक्त भेलालाई देउवा सम्मले गर्न लागेको राष्ट्रिय भेलामा सम्बोधन गर्न विदेशबाट नेपाल आउन लागेका देउबा उनको परिवार भने उपस्थित नहुने भएको छ।

देउवाकी श्रीमती तथा पूर्व परराष्ट्रमन्त्री आरजु राणा देउवा र उनका छोरा जयवीर भने नेपाल नआउने भएका छन्। परिवारसहित देउवा फर्किने भनिए पनि अहिलेलाई उनी एक्लै आउँदैछन्।

गत भदौ २३ र २४ को आन्दोलनमा देउवा दम्पतीलाई आन्दोलनकारीले नराम्रोसँग कुटेका थिए। त्यसपछि देश छाडेका देउवा शुक्रबार नेपाल आउन लागेका हुन्।

‘अहिलेलाई शेरबहादुर दाइको मात्रै आवश्यकता छ। भाउजु बिस्तारै आउनुहोला’, नेता महतले भने, ‘दाइले आएर कांग्रेसको राजनीति सुधार्नुहुन्छ भन्ने अपेक्षा राखेका छौँ।’

देउवा फेरि राजनीतिमा सक्रिय हुन लागेका हुन् भन्ने प्रश्नमा महत साउन २९ गतेको सम्बोधनपछि सबै कुरा छर्लङ्ग हुने जवाफ दिएका छन्।