काठमाडौं – वरिष्ठ कलाकार मदनकृष्ण श्रेष्ठको बायोपिक ‘म मदनकृष्ण’मा नायिका वर्षा राउतको प्रवेश भएको छ ।

निर्माण पक्षका अनुसार उनी हरिवंशको श्रीमती रमिला पाठकको भूमिका निर्वाहका गर्ने गरी अनुबन्ध भएकी हुन् ।

यसअघि नै हरिवंशको भूमिकामा नायक अरुण क्षेत्री अनुबन्ध भएका थिए । मनदकृष्णको बायोपिक भए पनि उनका सहकर्मी हरिवंशको भूमिका फिल्ममा बलियो रहेन बताइएको छ ।

मदनकृष्ण र हरिवंशको जोडी (मह जोडी) लाई आदर्शका रुपमा लिइन्छ । उनीहरूले पाँच दशक लामो सहकार्य गरेका छन् ।

मदनकृष्णको भूमिकामा नायक महेश त्रिपाठी अनुबन्ध भएका छन् । उनी श्रीमती यसोदा सुबेदीको भूमिकामा नायिका केकी अधिकारी पक्का भएकी छन् ।

निर्देशक मिलन चाम्सले यो बायोपिक बनाउन लागेका हुन् ।

मिलन यसपछि हरिवंशको बायोपिक बनाउने तयारीमा छन् । उक्च बायोपिकको शीर्ष भूमिकामा अरुण फाइनल भएका छन् । उक्त बायोपिकमा बर्षाले पनि निरन्तरता पाउने बुझिएको छ ।