लन्डन – रियाल मड्रिडका ब्राजिलियन विङ्गर भिनिसियस जुनियरलाई अनुबन्ध गर्ने प्रयास असफल भएपछि इंग्लिस क्लब आर्सनल अहिले अन्य विकल्पको खोजीमा लागेको छ। स्टार खेलाडीलाई टोलीमा भित्र्याउने आर्सनलको सार्वजनिक प्रयास असफल भए पनि जारी सरुवा बजारमा क्लबले न्यूकासलका कप्तान ब्रुनो गुइमारेसलाई ७५ मिलियन पाउन्डमा अनुबन्ध गर्न सफल भएको छ।

गत सिजन मार्टिन जुबिमेन्डी र भिक्टर ग्योकेरेसलाई अनुबन्ध गरेजस्तै ब्राजिलियन मिडफिल्डर गुइमारेसको आगमनले पनि आर्सनलको टोलीमा प्रतिस्पर्धा र गुणस्तर बढाउने अपेक्षा गरिएको छ।

सरुवा बजारको समयसीमा सकिनुअघि थप नयाँ खेलाडी भित्र्याउने सम्भावनाबारे सोधिएको प्रश्नमा प्रबन्धक मिकेल आर्टेटाले बिबिसीसँग भनेका छन्, “हामी त्यसकै प्रयासमा छौँ। यदि बजारमा टोलीलाई अझ बलियो बनाउन सक्ने सही खेलाडी भेटिएमा हामी नयाँ अनुबन्धका लागि तयार छौँ।”

नयाँ सिजनको सुरुवात नजिकिँदै गर्दा आर्सनलका मुख्य दुई डिफेन्डर जुरियन टिम्बर र विलियम सालिबा चोटका कारण टोलीबाहिर रहने भएका छन्।