वाशिङ्टन– अमेरिकाको माथिल्लो सदन सिनेटले राष्ट्रपति डोनाल्ड ट्रम्पका विश्वासपात्र टोड ब्लान्चलाई महान्यायाधिवक्तामा स्वीकृत गरेको छ । शनिबार सबेरै भएको मतदानपछि सिनेटले ब्लान्चलाई महान्यायाधिवक्तामा स्वीकृत गरेको हो ।

सिनेटमा सत्तारुढ रिपब्लिकन पार्टीको बहुमत छ । मतदानमा सहभागीमध्ये ५० जनाले ब्लान्चको पक्षमा मतदान गरेका थिए ।

४९ जनाले भने उनको विपक्षमा मत दिएका थिए । हरेक डेमोक्र्याटिक सिनेटरसँगै रिपब्लिकन पार्टीका तर्फबाट सिनेटमा मेन राज्यको प्रतिनिधित्व गर्ने सुजन कोलिन्स र अलास्काको प्रतिनिधित्व गर्ने लिसा मुर्कोवस्कीले ब्लान्चको विपक्षमा मत दिएका थिए ।

गत वर्ष दोस्रो कार्यकालका लागि सत्तामा आएयता राष्ट्रपति ट्रम्पको प्रशासनले दोस्रो महान्यायाधिक्ता पाउन लागेको हो । यसअघि महान्यायाधिवक्ता रहेकी पाम बोन्डीलाई राजीनामा दिन बाध्य पारिएको थियो ।

सिनेटले स्वीकृत गरेसँगै ब्लान्चले सामाजिक सञ्जालमा खुशी व्यक्त गर्दै राष्ट्रपति ट्रम्पले आफूलाई गरेको विश्वासप्रति कृतज्ञ रहेको बताएका छन् । साथै आफूलाई साथ दिने हरेक सिनेटरलाई पनि उनले धन्यवाद दिएका छन् ।