काठमाडौं– नेपाल लिकर्सका प्रमुख कार्यकारी अधिकृत (सीईओ) अभिनश वीर सिंह तुलाधर सिंगापुरमा आयोजित एसिया बिजनेस लिडर्स अवार्ड्स अन्तर्गत ‘सीईओ अफ द इयर’ अवार्डबाट सम्मानित भएका छन् ।

कम्पनीका अनुसार यो सम्मान नेपाल लिकर्सका लागि मात्र नभई समग्र नेपाली कर्पोरेट क्षेत्रका लागि पनि ऐतिहासिक उपलब्धि हो । यसले अन्तर्राष्ट्रिय मञ्चमा नेपाली नेतृत्वको क्षमता र योगदानलाई थप स्थापित गरेको कम्पनीले जनाएको छ।

तुलाधर यसअघि नेपाल लिकर्समा डाइरेक्टर अफ अपरेसन्सका रूपमा कार्यरत थिए। त्यसपछि उनी कम्पनीको प्रमुख कार्यकारी अधिकृत नियुक्त भएका हुन् । ‘जेन–जी’ पुस्ताका नेतृत्वकर्ताका रूपमा परिचित उनले युनिभर्सिटी अफ रिचमन्ड र इसेक बिजनेस स्कुलबाट उच्च शिक्षा हासिल गरेका छन्।

कम्पनीका अनुसार उनले अन्तर्राष्ट्रिय शैक्षिक ज्ञान र संस्थाभित्रको व्यावहारिक अनुभवलाई संयोजन गर्दै बजारमा आधुनिक तथा दूरदर्शी दृष्टिकोण स्थापित गरेका छन् । उनको नेतृत्वले संस्थागत विरासतलाई नवप्रवर्तनसँग जोड्दै कम्पनीको व्यवसायलाई नयाँ गति दिएको कम्पनीको भनाइ छ ।

सम्मान प्राप्त गरेपछि उनलेयो उपलब्धि आफ्नो व्यक्तिगत सफलता मात्र नभई सम्पूर्ण नेपाल लिकर्स परिवारको सामुहिक मेहनतको परिणाम भएको बताए।