काठमाडौं – हलिउड फिल्म ‘स्पाइडर म्यान : ब्रान्ड न्यू डे’को उच्च बुकिङ र अकुपेन्सीबीच पनि थर्ड विकेन्डसम्म आइपुग्दा नेपाली फिल्म ‘गौँथली’ले आफ्नो व्यापारको ग्राफ उकालो लगाएको छ ।

स्पाइडर म्यानका कारण थर्ड विकेन्डसम्म पुग्दा ‘गौँथली’को व्यापारमा कमी आउने अनुमान गरिएको थियो । हलहरूले विदेशी फिल्मप्रति उदारता देखाउँदै बढी शो बाँडेका गरेका थिए ।

तथापि, थर्ड विकेन्डमा ‘गौँथली’को ग्रस कलेक्सन ७ करोड १४ ले थपिएको छ । यो भनेको तेस्रो साता दैनिक ८७ लाखभन्दा बढी ग्रस कलेक्सन हो ।

सेकेन्ड विकेन्डमा आइपुग्दा फिल्मले सुरुवाती १० दिनमा ७ करोड ४० लाख ग्रस कलेक्सन गरेको थियो । अर्थात्, दैनिक ७४ लाख ।

थर्ड विकेन्डको कलेक्सले तेस्रो साता यो फिल्मको व्यापार दैनिक १३ लाखले बढेको देखिन्छ ।