विराटनगर – अवैध कारोबार तथा कर छलीको आशंकामा विराटनगरको चर्चित व्यापारिक घराना देवनरा समूहका घर र अफिसमा प्रहरीले छापा मारेको छ ।
सोमबार बिहान करिब ४ बजेदेखि नै प्रहरी टोलीले समूहका घर तथा कार्यालय घेराउ गरी छापा मारेको हो ।
मुख्य रूपमा चाँदीको कारोबार गर्दै आएको यो समूहले बाबा आयल र हाइलाइफ चप्पल उद्योगसमेत सञ्चालन गर्दै आएको छ । देवनरा समूहको नेतृत्व उद्योगी प्रकाश मुन्दडाले गरिरहेका छन् । उनी नेपाल उद्योग परिसंघ (सीएनआई) कोशी प्रदेशका उपाध्यक्षसमेत हुन् ।
प्रहरीले छापा मारी कागजात तथा आवश्यक सामग्रीको अनुसन्धान थालेको छ । छापा मार्नुको विस्तृत विवरण र बरामद कागजातबारे प्रहरीले आधिकारिक जानकारी दिन बाँकी छ ।
प्रतिक्रिया