बुटवल– दुई फरक समुदायबीच भएको हिंसात्मक झडपले सुनसरी अस्तव्यस्त बनिरहँदा बुटवलमा सद्भाव र्‍याली निकालिएको छ ।
 
बुटवलको राजमार्ग चौराहामा बुधबार विभिन्न समुदायका नागरिकको सहभागितामा शान्तिपूर्ण सद्भाव र्‍याली भएको हो ।

धार्मिक सहिष्णुता, सामाजिक एकता र राष्ट्रिय सद्भावको सन्देश दिन ‘सद्भाव नै हाम्रो धर्म, एकता नै हाम्रो शक्ति’ भन्ने मूल नारासहित र्‍याली आयोजना गरियो ।

युवाहरुको समूह एमआरआरको आयोजनामा भएको र्‍यालीलाई राजा–ए मुस्तफा मस्जिद समिति तथा मदिना मदरसा मस्जिदले सहयोग गरेका थिए ।

सहभागीहरूले विविधताबीचको एकतालाई अझ मजबुत बनाउँदै शान्ति र भाइचाराको भावना कायम राख्नुपर्नेमा जोड दिए । सहभागीले हात र गलामा राष्ट्रिय झण्डा बोकेका थिए । 

तस्बिर : नेपाल फोटो लाइब्रेरी