नयाँ दिल्ली– भारतीय ​शिक्षा मन्त्री धर्मेन्द्र प्रधानको राजीनामालाई लिएर कक्रोच जनता पार्टीका अध्यक्ष अभिजीत दीपकेको पहिलो प्रतिक्रिया सार्वजनिक भएको छ । प्रधानको राजीनामाबारे अभिजीत दीपकेले भनेका छन्, ‘संसार झुक्छ, झुकाउने मान्छे चाहियो ।’

उनले भने, ‘यस सरकारमा राजीनामा हुँदैन भनिन्थ्यो। तर राजीनामा भयो । कहिलेसम्म बस्छौ भन्थे, ३६ दिनसम्म हरेक दिन मलाई राजीनामा हुँदैन भनेर सोधिन्थ्यो । तर सरकार झुक्यो । क्रान्ति हुँदैन भन्थे, तर क्रान्ति भयो ।’ अभिजीत दीपके र उनका समर्थकहरू दिल्लीको जन्तरमन्तरमा धर्मेन्द्र प्रधानको राजीनामाको उत्सव मनाइरहेका छन् ।

विरोध प्रदर्शन स्थलमा खुसीको माहौल छ । अभिजीत दीपके र उनका साथीहरू यतिबेला जन्तर-मन्तरमा उत्सव मनाइरहेका छन् । ‘जब म अमेरिकाबाट निस्किएको थिएँ, तब के होला भनेर भनिन्थ्यो। तर धर्मेन्द्र प्रधानले राजीनामा दिनुपर्‍यो ।’ दीपकेले भनेका छन् ।

ककरोच जनता पार्टीले धर्मेन्द्र प्रधानको राजीनामामा खुसी व्यक्त गर्दै एक्समा पोस्टमा लेखेको छ, ‘लोकतन्त्रको जित भयो’ । यसका साथै दीपकेको एउटा भिडियो पनि बाहिर आएको छ, जसमा उनी फोनमा कुरा गर्दै खुसीले नाचिरहेको देखिन्छन् । उनको वरपर उत्सवको आवाज सुन्न सकिन्छ ।