काठमाडौं-फिल्म चलेनन् पनि के भन्नु ? गनिएका, मानिएका, कहलिएका, हेन्डसम, अभिनयमा पोख्त, डिमान्डेन्ड, क्रेज भएका र डेट नभएका सबै हिरोहरूको फिल्मको व्यापार पनि करोड कट्दैन ।

हुन त फिल्म बढी जोखिमयुक्त क्षेत्र नै हो । फिल्ममा लगानी फस्ने जोखिम ९० प्रतिशतभन्दा बढी हुन्छ । तथापि, अग्रणी नायक–नायिकाको फिल्म लगातार फ्लप हुनुलाई अहिले स्वाभाविक मान्न सकिँदैन । त्यही अस्वाभाविक व्यावसायिक अवस्था नेपाली फिल्म क्षेत्रले भोगिरहेको छ ।

सहज प्रचार, अभिनय क्षमता र दर्शकले सहज हलमा तान्ने ल्याकतका कारण महँगो पारिश्रमिक पाउने कलाकारको फिल्म नचल्नु सामान्य होइन । केही हिरोले लिने पारिश्रमिकभन्दा फिल्मको ग्रस कलेक्सन कम छ ।

औसतमा एउटा फिल्म साढे २ करोड लगानीमा बन्छ। तर, स्टार नायककै फिल्मले १ करोडभन्दा कम व्यापार गरेको पाइन्छ ।

०८३ सालको सुरुवाती तीन महिना वैशाख, जेठ र असारमा गरी १४ वटा फिल्म प्रदर्शनमा आएका छन् । यी सबै फिल्मको ग्रस कलेक्सन जोड्ने हो भने २० करोड पनि पुग्दैन । जबकि यो आँकडा ब्ल्कबस्टर फिल्मले घरेलु बजारमै सहज पूरा गर्छ ।

यो अवधिको सबैभन्दा हिट फिल्म ‘लालीबजार’ हो । नायिका स्वस्तिमा खड्का स्टारर यस फिल्मले ९ करोड ३२ ग्रस कलेक्स गरेको छ ।

यसबाहेक करोडमा व्यापार गर्ने तीनवटा फिल्म छन् । ‘परालको आगो‘ले ४ करोड २८ लाख, ‘रोल नं १’ले १ करोड ७८ लाख र ‘मितज्यू’ १ करोड ३२ लाग ग्रस कलेक्सन गरेका छन् ।

‘मितज्यू’ नायक दयाहाङ राई र सौगात मल्ल हुन् ।

बाँकी ९ फिल्मले लाखमा व्यापार गरेका छन् । एक फिल्म भाग दौडले त एक लाखभन्दा कम ग्रस कलेक्सन गरेको छ ।

भागदौड : ९२ लाख

पहाड : ६३ हजार ९३ हजार

मालती मंगले : ५१ लाख ६३ हजार

काजी : ४४ हजार ४६ हजार

लाइफ ड्यामेज : ३४ लाख ६६ हजार

आई एम जितबहादुर : ३१ लाख ७ हजार

गुरूआमा : २९ लाख ४२ हजार

एक मुठ्ठी बादल : ५ लाख २१ हजार

कुम्भ : ४ लाख २५ हजार

जाँड : १ लाख २६ हजार