जेरुसलेम- इजरायली बैङ्कहरूले आफ्ना समकक्षी प्यालेस्टिनी बैङ्कहरूलाई सूचित गर्दै उनीहरूले केही हप्ता भित्र बैङ्किङ सेवाहरू समाप्त गर्ने इञ्छा व्यक्त गरेको जनाइएको छ । इजरायली र प्यालेस्टिनी अधिकारीहरूले भने इजरायलले यो इञ्छा कार्यन्यवयन गरेमा वेस्ट ब्याङ्क क्षेत्रमा थप आर्थिक संकट बढ्ने जनाएका छन् ।

यी बैङ्किङ् सेवाहरु इजरायलबाट कब्जा गरिएको प्यालेस्टिनी क्षेत्रमा बिजुली, पानी, इन्धन र खानासहित इजरायलमा काम गर्ने प्यालेस्टिनीहरूले कमाएको ज्याला हस्तान्तरण गर्न जस्ता आवश्यक कामका लागि प्रयोग भइरहेको जनाइएको छ । इजरायली बैङ्कमा निर्भर रहेका पाँच वटा प्यालेस्टिनी बैङ्कहरूले अगस्ट –१३ को पत्राचार पछि बैङ्क सेवाहरूको पहुँच गुमाउने प्यालेस्टिनी बैङ्कका अधिकारीहरूलाई उदृत गर्दै एएफपीले जनाएको छ ।

यसै गरी डिस्काउन्ट ब्याङ्कमार्फत सेवा प्रवाह गर्ने ब्याङ्कहरूले सेप्टेम्बर –१ बाट सेवा कटौतीको सामाना गर्नु पर्ने जनाइएको छ । इजरायलको अर्थ मन्त्रालयले दुई वटा बैङ्कहरूले आफ्ना प्यालेस्टिनी समकक्षहरूसँग सेवा सहकार्यको सम्बन्ध अन्त्ये गर्ने प्रस्ताव गरेको पुष्टि गरेको छ । समग्र जोखिमको वातावरण र बैङ्किङ् संस्थाहरू विरुद्धका सवालहरुमा बढ्दो चिन्ताको कारण इजरायली बैङ्कहरूले ससकक्षता बैङ्किङ् सेवाहरू प्रदान गर्न बन्द गर्ने घोषणा गरेको मन्त्रालयले विज्ञप्ति मार्फत जनाएको छ ।

मन्त्रालयले इजरायलको सुरक्षा र आर्थिक हितको रक्षा गर्दै सुरक्षित र जिम्मेवार तरिकाले पत्राचार गरी बैङ्किङ् गतिविधिहरू जारी राख्न सक्षम बनाउन बैङ्कहरूसँग छलफल गरिरहेको जनाएको छ । हाल यी दुई बैङ्कहरूले प्यालेस्टिनी र इजरायली वित्तीय प्रणालीहरू बिचको पुलको रूपमा सेवा गर्दै आएको जनाइएको छ । इजरायली बैङ्कहरूलाई प्यालेस्टिनी बैङ्करूको तर्फबाट प्रशोधन गरिएको लेनदेनको कानुनी दायित्वबाट जोगाउन, इजरायली सरकारले प्रत्येक छ महिनामा क्षतिपूर्ति नवीकरण गर्ने गरेको जनाइएको छ ।

इजरायली बैङ्कका अधिकारीलाई उदृत गर्दै एएफपीले व्यावसायिक बैङ्कहरू अब मनी लान्ड्रिङ वा आतंकवादी वित्तपोषणको सम्भावित जोखिम जोखिमहरू बहन गर्न नचाहेको र पछिल्लो समयमा यस्तो जोखिम बढ्दै गएकाले सेवा सम्बन्ध अन्त्ये गर्ने निर्णयमा पुगेको जनाएको छ ।

अर्थ विज्ञहरूलाई उदृत गर्दै बैङ्किङ् सम्बन्धहरू तोड्नाले थप लेनदेनहरू नगदमा बाध्य पार्न सक्ने र बैङ्किङ् सङ्कटको जोखिम बढ्न गई अनौपचारिक अर्थव्यवस्था विस्तार गर्न सक्ने चेतावनी दिएको जनाएको छ । प्यालेस्टिनी प्राधिकरण स्थानीय बैङ्कहरुको सबै भन्दा ठुलो उधारकर्ता भएकाले यो सार्वजनिक क्षेत्रको तलब र बजेट घाटाको वित्तपोषण गर्न इजरायली बैङ्कहरु माथि निर्भर रहेकाले यदि बैङ्किङ् सेवाहरुको सहकार्य अन्त्ये भयो भने प्राधिकरण आर्थिक सङ्कटमा पुग्ने स्थानीय व्यापारीहरुले जनाएका छन् ।

इजरायलले प्राधिकरणको तर्फबाट सङ्कलन गर्ने भन्सार राजस्वको हस्तान्तरण निलम्बन गरे पछि प्यालेस्टिनी प्राधिकरण पहिले नै तीव्र आर्थिक दबाबमा रहेको जनाइएको छ ।