काठमाडौँ – पश्चिमी न्यून चापीय प्रणालीको प्रभावले गर्दा नेपालमा सामान्य मौसम बदली भएको छ ।

पाकिस्तान तथा आसपासका क्षेत्रमा पश्चिमि न्यून चापीय प्रणाली रहेको छ । साथै भारतको राजस्थानमा न्यून चापिय प्रणालि विकशित भएको छ | यिनै मौसमी प्रणालिहरूको सामान्य असर नेपालमा परेको जल तथा मौसम पूर्वानुमान महाशाखाले जनाएको छ ।

हाल देशका मध्य र पश्चिमी भू-भागमा आंशिकदेखि सामान्य बदली र बाँकी भू-भागमा आंशिक बदली रहेको छ |

तीन दिनको मौसम पूर्वानुमान

शनिबार आज दिउँसो देशका मध्य र पश्चिमी भू-भागमा आंशिकदेखि सामान्य बदली तथा पूर्वी भू- भागमा आंशिक बदली भएको छ । मध्य र पश्चिमि पहाडी भू-भागका एक वा दुई स्थानमा हल्का बर्षा हुने सम्भावना छ । पश्चिमी र मध्य उच्च हिमाली भू-भागका थोरै स्थानहरुमा हल्का हिमपातको सम्भावना रहेको छ ।

मंसिर १ गते (आइतबार) देशका पूर्वि पहाडी भू-भागमा आंशिकदेखि सामान्य बदली, मध्य पहाडी भू-भागमा आंशिक बदली तथा बाँकी भू – भागमा मौसम सामान्यतया सफा रहने छ । पूर्वी र मध्य पहाडी भु-भागका एक वा दुई स्थानमा हल्का बर्षा हुने सम्भावना छ ।

मंसिर १ गते (सोमबार) देशका पूर्वी तथा मध्य भू-भागमा आंशिकदेखि सामान्य बदली तथा बाँकी भू – भागमा आंशिक बदली रहने छ । पूर्वी पहाडी भू-भागका थोरै र मध्य पहाडी क्षेत्रका १-२ स्थानमा हल्का बर्षा हुने सम्भावना रहेको महाशाखाको पूर्वानुमान छ ।