काठमाडौं- आईसीसी विश्वकप क्रिकेट लिग–२ अन्तर्गत नामिबियाविरुद्धको खेलमा नेपालले खराब प्रदर्शन गरेको छ । नेदरल्याण्ड्सको उट्रेख्टमा जारी खेलमा नेपालले एक सय रन नजोड्दै पाँच महत्वपूर्ण विकेट गुमाएको छ ।
ताजा अवस्थामा ३३ औँ ओभरको खेल चलिरहँदा नेपालले पाँच विकेट गुमाउँदै ९८ रन बनाएको छ ।
नेपालका लागि कप्तान रोहित पौडेल ३० रन बनाएर खेलिरहेका छन् । दीपेन्द्रसिंह ऐरीले पनि ५१ बलमा ३० रन जोडेका छन् ।ओपनर ब्याटर आशिफ शेखले ४१ बलमा १६ रन बनाए ।
अर्का ओपनर कुशल भुर्तेल दुई बलमा दुई रन बनाएर आउट भए । इशान पाण्डे ३१ बलमा ८ रन बनाएर आउट भए । आरिफ शेख शून्य रनमा आउट भए ।
प्रतिक्रिया