रौतहट- रौतहट जिल्ला अदालतमा कार्यरत डिठ्ठा लव कुमार सिंह ५० हजार रुपैयाँ घुससहित पक्राउ परेका छन्।
अख्तियार दुरुपयोग अनुसन्धान आयोगको कार्यालय, हेटौँडाबाट खटिएको टोलीले सिंहलाई सेवाग्राहीसँग घुस लिइसकेको अवस्थामा नियन्त्रणमा लिएको हो।
उनले अदालतको फैसलाबमोजिम दर्ता–खारेजी पुर्जी तयार गरी जग्गा फुकुवा गराइदिने भन्दै घुस माग गरेको उजुरी परेको थियो।
उक्त उजुरीका आधारमा खटिएको टोलीले उनलाई गौर नगरपालिका वडा नं. १ स्थित जिल्ला अदालत परिसरबाट ५० हजार रुपैयाँ नगद र एक थान मोबाइलसहित पक्राउ गरेको जनाएको छ।
घटनाबारे थप अनुसन्धान भइरहेको अख्तियारका प्रवक्ता सुरेश न्यौपानेले बताएका छन् ।
प्रतिक्रिया