काठमाडौँ– नेकपा एमालेका नेता गोकुल बास्कोटाले विधिको शासन, कानुनी राज्य र मानवअधिकारको पालना गर्न सरकारलाई सुझाव दिएका छन् ।

बास्कोटाले आज बिहान सामाजिक सञ्जाल फेसबुकमार्फत राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह नेतृत्वको सरकारप्रति लक्षित गर्दै विधिको शासन, कानुनी राज्य, मानव अधिकार अनि बच्चा, बुढापाका र महिला प्रति नेपाली संस्कारको पनि पालना गर्न सुझाव दिएका हुन् ।

उनले जो कोहीमाथि छानबिन गर्दा आग्रह र पूर्वाग्रहले नभइ कानुनी तथ्यहरुका आधारमा गर्नुपर्ने बताएका छन् ।

उनले लेखेका छन्– ‘घण्ट बजाएर मात्र हुँदैन है । जो माथि जेमा छानबिन गर्नु छ गर। तर आग्रह हैन कानुनी तथ्यहरू स्थापित हुनै पर्छ।’

उनले ‘अरुलाई पुर्ने खाल्डो खन्दा आफैँ पसेर च्यापुसम्म पुरिने खन्नु’ भन्ने पुर्खाको भनाइ समेत स्मरण गराएका छन् ।