काठमाडाैं – राष्ट्रपति रामचन्द्र पौडेललेसार्वजनिक खरिदसम्बन्धी अध्यादेश जारी गरेका छन्।

राष्ट्रपति कार्यालयका प्रवक्ता रितेशकुमार शाक्यका अनुसार सरकारको सिफारिसमा राष्ट्रपति पौडेलले सार्वजनिक खरिद (दोस्रो संशोधन) अध्यादेश, २०८३ संविधानको धारा ११४ को उपधारा (१) बमोजिम जारी गरेका हुन् ।

त्यसैगरी राष्ट्रपति पौडेलले आजै सहकारीसम्बन्धी अध्यादेश पनि जारी गरिसकेका छन् । सरकारले संवैधानिक परिषद्सम्बन्धी व्यवस्था, केही नेपाल ऐन संशोधन, स्वास्थ्य विज्ञान प्रतिष्ठान, विश्वविद्यालय तथा सार्वजनिक पदाधिकारी पदमुक्ति सम्बन्धी विषयमा समेत छुट्टाछुट्टै अध्यादेश जारी गर्न राष्ट्रपतिसमक्ष सिफारिस गरेको छ। तर ती अन्य अध्यादेशहरूबारे भने राष्ट्रपति कार्यालयले तत्काल निर्णय नगरी अध्ययन भइरहेको जनाएको छ।