बेइजिङ– चिनियाँ राष्ट्रपति सी चिनफिङले वि.सं. २०७६ मा उद्घाटन गरेको दासिङ अन्तर्राष्ट्रिय विमानस्थलबाट अहिले वार्षिक साढे ५ करोड मानिस हिँड्छन् ।
चीनको राजधानी बेइजिङदेखि दक्षिणमा रहेको मुख्य प्रवेशद्वार अहिले पर्यटकीय स्थल बनेको छ । चीनका सबैभन्दा व्यस्त अन्तर्राष्ट्रिय विमानस्थलमध्ये एक यहाँबाट सन् २०२५ मा करिब ५ करो ३६ लाख यात्रुले यात्रा गरेका छन् । यसको अर्थ औसतमा प्रतिदिन करिब एक लाख ४७ हजार यात्रु यो विमानस्थल हुँदै ओहोरदोहोर गर्छन् ।
व्यस्त मौसम, विशेषगरी चिनियाँ नयाँ वर्षको समयमा, दैनिक यात्रु संख्या एक लाख ५० हजार वा त्योभन्दा बढी पुग्न सक्ने हिसाब छ । यो विमानस्थलको दीर्घकालीन डिजाइन क्षमता अझै धेरै छ । यसले भविष्यमा विस्तारपछि १० करोड यात्रुसम्म वार्षिक क्षमता पुर्याउने योजना छ ।
४५ महिना लगाएर ८० अर्ब युआन (११.२ अर्ब अमेरिकी डलर) लागतमा निर्माण गरिएको दासिङ अन्तर्राष्ट्रिय विमानस्थल भएर वार्षिक १० करोड यात्रु आवतजावत हुने अपेक्षा छ ।
विमानस्थलमा चारवटा धावनमार्ग, १५० वटा हवाई जहाजका लागि अवतरण गर्ने स्थान र ७ हजार वर्ग मिटरका टर्मिनल भवन रहेका छन् ।
हेर्नुहोस् तस्बिरहरू :
प्रतिक्रिया