नयाँ दिल्ली – भारतका प्रधानमन्त्री नरेन्द्र मोदीले साउदी अरेबियाका युवराज तथा प्रधानमन्त्री मोहम्मद बिन सलमानसँग पश्चिम एशियामा जारी द्वन्द्वबारे शनिबार टेलिफोन वार्ता गरेका छन्।

प्रधानमन्त्री मोदीले उक्त वार्तामा क्षेत्रीय ऊर्जा पूर्वाधारमाथि भएका आक्रमणहरूको भारतले निन्दा गरेको बताएका छन्।

यसका साथै, समुद्री मार्गको स्वतन्त्रता कायम राख्दै जलयात्रा सुरक्षित र खुला राख्नुपर्ने आवश्यकतामा दुवै पक्षले जोड दिए मोदीले सामाजिक सञ्जाल एक्समा बताएका छन् ।

वार्ताका क्रममा मोदीले साउदी अरेबियामा बसोबास गरिरहेका भारतीय समुदायको हितका लागि निरन्तर सहयोग गरेकोमा युवराज मोहम्मद बिन सलमानलाई धन्यवाद पनि दिएका छन्।

पछिल्लो समय अमेरिका र इजरायलले इरानमा आक्रमण गरेदेखि पश्चिम एसियामा तनाव छ । पश्चिम एसियाका विभिन्न देशमा युद्ध फैलिँदा तेल र ग्यास आपूर्तिमा गम्भीर असर परेको छ।

Spoke with Crown Prince and PM of Saudi Arabia, HRH Prince Mohammed bin Salman and discussed the ongoing conflict in West Asia.

I reiterated India’s condemnation of attacks on regional energy infrastructure.

We agreed on the need to ensure freedom of navigation and keeping…

— Narendra Modi (@narendramodi) March 28, 2026