काठमाडौं – फिल्म ‘द ब्लू लाइट’को टिमले रिलिजको संघारमा नयाँ गीत सार्वजनिक गरेको छ ।
शुक्रबारबाट प्रदर्शनमा आउने यस फिल्मको गीत आज बिहीबार सार्वजनिक गरिएको हो ।
सार्वजनिक ‘दुई अक्षरको माया’ शीर्षकको गीतमा फिल्मका नायक अर्पण थापा र नायिका बेनिशा हमाललाई फिचर्ड गरिएको छ ।
गीतको भिडियोमा यी दुईलाई जोडीको भूमिकामा देखाइएको छ । जहाँ उनीहरुको रोमान्स देख्न सकिन्छ ।
डीपी खनालले प्रेम र सम्बन्धको भावनाका शब्द समेटेर गीत तयार गरेका छन् । गीतमा प्रवेश राईले स्वर दिएका छन् ।
शुक्रबारबाट प्रदर्शनमा आउने ‘द ब्लू लाइट’ उनीहरुसहित महेश त्रिपाठी पनि शीर्ष भूमिकामा रहेका छन् । यो फिल्मको टिकट बुकिङ खुला भएको छ ।
प्रदर्शनको पहिला दिनका लागि यो फिल्मले करिब ५० शो पाएको छ ।
स्काइफल पिक्चर्सको ब्यानरमा बनेको यही फिल्मबाट बलिराम चौहानको निर्देशनमा डेब्यू गरेका हुन् ।
गीतको लिंक :
प्रतिक्रिया