काठमाडौं– पूर्वप्रधानन्यायाधीश चोलेन्द्र शमशेर जबरा पक्राउबारे सरकारका प्रवक्ता सस्मित पोखरेलले बोलेका छन् । 

मन्त्रिपरिषद्को बैठकपछि पत्रकारहरूसँग कुरा गर्दै पोखरले चोलेन्द्रलाई पक्राउ गरिएको नभएर सुरक्षित स्थानमा राखिएको दाबी गरे । सुरक्षा चुनौती बढेपछि सुरक्षित स्थानमा राखिएको बताउँदै यसको पुष्टि परिवारले दिएको सुरक्षाकर्मी थप्ने पत्र प्रहरीमा दिएकोले रेस्क्यु गरेको पोखरेलको दाबी छ ।

‘पूर्वप्रधान न्यायाधीश चोलेन्द्रलाई पक्राउ गरिएको होइन नियन्त्रणमा पनि लिएको होइन । उहाँको सुरक्षा अवस्थाका कारण सुरक्षा चुनौती बढेपछि सुरक्षित स्थानमा लगिएको हो ।’ पोखरेलले पत्रकारहरूलाई भने,’यसबारेमा अगाडि नै कुराहरू आइसकेका छन् । उहाँको परिवारले पनि थप सुरक्षाकर्मी मागेको सर्वाधिक छ ।’

राष्ट्रिय स्वतन्त्र पार्टीकै नेताहरूले चोलेन्द्रलाई पक्राउ गरेर छोरी कुटेर बुहारी तर्साएको दाबी गरिरहेका छन् ।

पार्टीका शीर्ष नेता अमरेश कुमार सिंह र नेत्री रन्जु दर्सनाले पनि यसको विरोध सार्वजनिक रूपमै गरिसकेकी छिन् तर अरु सांसदहरू चुपचाप देखिन्छन् ।