काठमाडौंं– प्रधानमन्त्री दैवी प्रकोप उद्धार कोषको नाम फेर्न राष्ट्रिय स्वतन्त्र पार्टीका प्रवक्ता जगदीश खरेलले आग्रह गरेका छन् । 

रास्वपा प्रवक्ता तथा सांसद जगदीश खरेलले प्रधानमन्त्री विपद् राहत कोष भनेर कोषको नामकरण गर्न आग्रह गरेका छन् । 

यसको जवाफ प्रधानमन्त्रीले दिनुपर्ने पनि खरेलको धारणा छ। ‘हामीले पटक-पटक भनेका छौँ, विपद् दैवी प्रकोप होइन यो दैवले गराएको होइन, यो प्राकृतिक या मानव सिर्जित हुन्छ भन् कुरा हामीले महसुस गरेका छौँ ।’ 
 

खरेलले अगाडि भने, ‘प्रधानमन्त्रीलाई आग्रह गरेको थिए सदनबाट कि प्रधानमन्त्री दैवी प्रकोप उद्धार कोष होइन प्रधानमन्त्री विपद् राहत कोष भनेर त्यो कोषको नामकरण गरियोस् भनेको थिए । त्यसको जवाफको पर्खाइमा म रहेको छु ।’

उनले राष्ट्रिय विपद् जोखिम न्यूनीकरण तथा व्यवस्थापन प्राधिकरणको नेतृत्व फेर्न समेत माग गरेका छन्। सहसचिवले त्यो नेतृत्व धान्न नसक्ने भन्दै खरेलले फेर्न माग गरेका हुन् ।