काठमाडौँ– इंग्लिस प्रिमियर लिग फुटबलमा म्यानचेस्टर सिटीले लगातार दोस्रो जित निकालेको छ । आज बिहान सेलहस्र्ट पार्कमा सम्पन्न खेलमा घरेलु टोली क्रिस्टल प्यालेसलाई ४–१ गोलले हराउँदै म्यानचेस्टर सिटीले सानदार जित निकालेको हो ।

सिटीका एर्लिङ हालान्ड र रयान चेर्कीले दुई–दुई गोल गरेका थिए । क्रिस्टल प्यालेसले भने एक गोल आत्मघाती उपहार स्वरुप प्राप्त गरेको थियो । सिटीका जियानलुइजी डोनारुम्माले आत्मघाती गोल गरेका थिए ।

खेलको १७औँ मिनेटमा सिटीका हालान्डले गोल गर्दै टोलीलाई सुरुवाती अग्रता दिलाएका थिए । त्यसपछि ५४औँ मिनेटमा चेर्कीले गोल गर्दै अग्रतालाई दोब्बर बनाए ।

त्यसपछि सिटीका डोनारुम्माले आत्मघाती गोल गरेपछि क्रिस्टल प्यालेसका नाममा एक गोल दर्ता भयो । त्यसपछि ५९औँ मिनेटमा चेर्की र ८४औँ मिनेटमा हालान्डले एक–एक गोल थपेपछि सिटी ४–१ गोलले विजयी भयो ।

यो जितसँगै सिटी लगातार दुई खेलमा दुई जित निकाल्दै ६ अंकसहित लिगको शीर्ष स्थानमा उक्लिएको छ। समान खेल खेलेको प्यालेस अंकविहीन हुँदै तालिकाको पुछारमा छ ।