काठमाडौँ – राष्ट्रिय स्वतन्त्र पार्टी (रास्वपा) सभापति रवि लामिछानेले साम्प्रदायिक गतिविधिले सबैलाई घाटा हुने भन्दै सामाजिक सद्भाव कायम गर्न आग्रह गरेका छन् । सुनसरीमा भएको घटनाको विषयमा छलफल गर्न बसेको सर्वदलीय बैठकपछि पत्रकारसँग कुरा गर्दै लामिछानेले यस्तो बताएका हुन् ।

सभापति लामिछानेले भने, ‘साम्प्रदायिक गतिविधिले सबैलाई घाटा हुन्छ । देश सबैको हो । राजनीतिक विषयमा लड्ने मैदान फरक भए पनि यस्ता विषयमा हामी एक हुनुपर्छ ।’

सरकारले आफ्नो तर्फबाट काम गरिरहेको प्रष्ट पार्दै रविले प्रमुख दलसँगको छलफल महत्तवपूर्ण भएको बताउ । प्रमुख दलले यस्ता घटनामा एक ठाउँमा उभिएर सरकारलाई ध्यानाकर्षण गराउन सक्ने उनको भनाइ छ । बैठकले घटनाको विषयमा संयुक्त विज्ञप्ति सार्वजनिक गर्ने निर्णयसमेत गरेको छ ।