काठमाडौं– साहित्यकार प्रार्थना खनालद्वारा लिखित नयाँ लघुकथासङ्ग्रह शान्तिविजय औपचारिक रूपमा सार्वजनिक गरिएको छ ।
 
आइतबार काठमाडौंमा नयाँ लघुकथासङ्ग्रह शान्तिविजय विमोचन गरिएको हो ।

नेपाली लघुकथाको क्षेत्रमा नयाँ आयाम थप्ने उद्देश्यले प्रकाशित यस कृतिमा समाज, मानवीय संवेदना, जीवनका उतारचढाव तथा समसामयिक यथार्थलाई जीवन्त रूपमा उतारिएको छ। 

विसं २०८३ वैशाखमा पहिलो संस्करणका रूपमा प्रकाशित यस पुस्तकको प्रकाशन नन्दकृष्ण जोशीले गरेका हुन् । 

विमोचन कार्यक्रममा बोल्दै लेखिका प्रार्थना खनालले शान्तिविजय भित्रका कथाहरूले पाठकलाई जीवनका विविध पक्ष र भोगाइबारे गम्भीर भएर सोच्न प्रेरित गर्ने विश्वास व्यक्त गरिन् ।

कार्यक्रममा उपस्थित साहित्यकार, समालोचक तथा पाठकहरूले कृतिको समीक्षा  यसले नेपाली लघुकथा विधामा एउटा बलियो उपस्थिति जनाउने धारणा राखेका थिए ।