काठमाडौं- नेपाली कांग्रेसका निवर्तमान सभापति शेरबहादुर देउवा पक्षले मंगलबार धुम्बाराहीमा बोलाएको भेलामा नेता डा. शेखर कोइराला समूह सहभागी भएको छैन।

देउवा समूहका नेता एवम् निवर्तमान कार्यवाहक सभापति पूर्णबहादुर खड्काले महाराजगञ्जस्थित स्मार्ट होटलमा १४ औँ महाधिवेशनबाट निर्वाचित पदाधिकारी, केन्द्रीय सदस्य तथा जिल्ला सभापतिहरूको बैठक राखेका छन् ।

तर उक्त भेलामा शेखर समूहका नेताहरू नगएका हुन्। खड्काले डा. शेखर कोइरालालाई यसबारे जानकारी गराए पनि उनी र उनको समूहका नेताहरू कोही पनि सहभागी नभएका हुन् ।

डा. कोइरालाले आफू उक्त भेलामा नआउने जानकारी खड्कालाई दिएका थिए । यसअघि पनि उनले पार्टी एकतालाई जोगाइरहन भन्दै खड्का समूहको भेलामा नजाने बताइसकेका छन् ।