काठमाडौं– अमेरिकाको साथ लिएर इरानमाथि हमाला गरेलगत्तै इजरायलले लेबनानमाथि पनि हवाई आक्रमण गरेको छ । अल जजीराका अनुसार इजरायलले लेबनानको इकलिम अल तुफा क्षेत्रमा श्रृङ्खलाबद्ध हवाई आक्रमण गरेको हो ।

लेबनानमा सक्रिय इरान समर्थित शिया लडाकु समूह हेज्बोल्लाहसँग लामो दूरीको क्षेप्यास्त्र र रकेट लन्चर रहेको विश्वास गरिन्छ । इरानमाथि हमला भए इरानसमर्थित शिया लडाकु समूह हेज्बोल्लाहले के गर्छ भन्ने प्रश्न पछिल्लो समय लेबनानमा व्यापक रहेको अल जजीराले जनाएको छ ।

इजरायलले लामो समयदेखि लेबनानमा सक्रिय हेज्बोल्लाहलाई निशाना बनाएर हमला गर्दै आएको छ । अघिल्लो वर्ष इजरायलले लेबनानमा व्यापक हमला गरेपछि हेज्बोल्लाहको नेतृत्व र युद्ध सञ्चालन क्षमता ध्वस्त भएको बताइन्छ ।